قصة مني كامله
المحتويات
التار .. أسر بكاملها راحت فى الرجلين .. وممكن تكون البدايه حاجه تافهه جوى .. بس جلبت بدم .. وكل عيلة عايزة تاخد بتارها من العيلة التانية وهكذا واحد من عيلتنا مقابل واحد من عيلتهم .. استمر الوضع سنين طوال .. لحد ما حصل اللى وحدنا ووجف بحر الډم بيناتنا .. وآنى ما بديش نرجع للى فات تانى والعداوة بيناتنا .. ويضيع رجالتنا وشبابنا بسبب هاى العادة المتخلفة .. وعشان اكده انا و سباعى من سنين طوال عاهدنا بعض نعمل كل اللى فى وسعنا عشان نمنع المشاكل بين العيلتين .. ونوجف تيار الډم اللى بيناتنا
طيب أنا ذنبي ايه .. أنا مغلطتش .. ومش عايزه أتجوزه
قال عبد الرحمن بحزم
آنى جولتلك ان مصلحة العيلة والجبيلة فوج كل شئ وبعدين احنا مش هنرميكي يا ابنيتى .. لو جمال معرفش يحافظ عليكي هناخدك منيه
قالت مريم بحنق
بعد ما أكون اتجوزته
قال عبد الرحمن
يا بنتى جمال ابن عيلة أكابر .. وعنده شركه بتاعته .. وراجل زين .. يعني مش هنرميكي لراجل مش من مجامك .. لا عيلة الهوارى عيلة كبيرة ومعروفة وسط الخلج
وأنا ميهمنيش هو من عيلة مين أو عنده ايه .. أنا مش عايزه لا أتجوزه ولا أتجوز غيره .. هو ظلمنى معرفش ليه عمل كده وهو ميعرفنيش بس أنا واثقه ان ده بسبب العداوة اللى كانت بين العيلتين .. بس قادر ربنا ينتقم منه ويجبلى حقى
قام عبد الرحمن وقال بحزم
الكلام ده معدش له لزوم .. لان خلاص كل شئ اتحدد واترتب
ربنا معايا وهينصرنى أنا واثقه .. اعملوا اللى تعملوه مفيش مأذون هيرضى يجوزنى من غير ما أقول أنا موافقه
صاح عبد الرحمن غاضبا
انت دماغك ناشفه كتير
ثم تركها وانصرف .. وعادت مريم الى شرودها مرة أخرى ولسانها لا يفتر
ترديد الآيه فى سورة الشعراء التى تقول رب نجني وأهلي مما يعملون .. ظلت ترددها ولا تقول غيرها حتى فى صلاتها وسجودها كان هذا دعائها الوحيد رب نجني وأهلي مما يعملون
أهلا ومرحبا بإبن خوى
عانقه مراد قائلا
ازيك يا عمى أخبارك ايه
ابتسم سباعى قائلا بفرح
امنيح يا ولدى كيفك انت وكيف اخواتك البنات
قال مراد مبتسما
بخير الحمد لله يا عمى .. ازي عريسنا أخباره ايه
عندك جوه ادخله يا ولدى
ساعد مراد عمته بهيرة على الخروج من السيارة .. استقبلها سباعى قائلا
كيفك يا بنت بوى
الحمد لله يا سباعى كيفك انت ومرتك وابنك
الحمد لله يا بهيرة الحمد لله
استقبل جمال .. مراد بالترحاب وعاقنه قائلا
أهلا أهلا ب مراد ولد عمى
قال مراد
أهلا بعريسنا .. مبروك يا جمال ربنا يتمملك بخير
عجبالك انت كمان يا ولد عمى .. أمال فين عمتى مجتش معاك ولا اييه
لا جت .. بره مع عمى
ماشى هروح أسلم عليها .. يلا ادخل غرفتى ارتاح شوى
ماشى يا جمال
توجه مراد الى غرفة عمته أولا ووضع بها حقيبتها ثم توجه الى غرفة جمال ووضعه حقيبته بها .. دخل وأخذ دشا خرج ليجد جمال جالسا على فراشه قائلا بمزاح
ايه رأيك نشوفلك واحده من بلدنا مادام بنات مصر مش عاجبينك
ابتسم مراد قائلا
هو انا أسيب ماما فى القاهرة تطلعلى انت يا جمال .. بقولك ايه عشان منخسرش بعض أفل على الموضوع ده خالص
ضحك جمال قائلا
ماشى يا ولد عمى .. بس لو نويت جولى وأنا أختارلك عروستك .. آنى أعرف كل البنات اللى فى
البلد .. ومنهم بنات ايييه يا بوى يحلوا من على حبل المشنجه
ضحك مراد قائلا
يا ابنى انت كمان كام يوم وهتتجوز .. لو مراتك سمعتك بتتكلم كده متلومش الا نفسك
قال جمال
لا آنى أجول وأعمل اللى على كيف كيفي .. وهى مش هتكون أكتر من الكرسي اللى انت جاعد عليه ده
ابتسم مراد بتهكم وقال
بداية غير مبشرة .. ربنا يكون فى عونها
قال جمال وهو يغادر الغرفة
آنى أدرى بالطريجه اللى أعامل بيها مرتى .. يلا ارتاحلك شوى
التف الجميع حول طاولة الطعام فى بيت سباعى .. قالت بهيرة التى كانت تشعر بدوار موجهه حديثها
الى أخيها
جولى بجه يا سباعى ايه حكاية الجوازه دى بالظبط .. واشمعنى بيت عبد الرحمن السمري
فجأة وأمام أعينهم المندهشه سقطت بهيرة مغشيا عليها .. فزع مراد وهب واقفا .. جثا على ركبتيه بجوارها وحاول أن يفيقها .. استجابت عمته له بصعوبه .. حملها مع جمال الى غرفتها وأحضروا لها الطبيب الذى قال
هى مكنش ليها سفر دلوجيت .. شكلها الضغط عندها عالى جوى .. والسفر تعابها بزيادة .. مطلوب راحه تامه وتاخد أدويتها بمعادها .. وكمان الأدوية بتاعة ضهرها تاخدها بإنتظام لان من الواضح انها مكنتش مواظبه عليهم .. وياريت محدش يجولها اى حاجه
متابعة القراءة
