قصة سوداء كامله بقلم اسو احمد التاسع والعاشر

يا طنط ده قال عنك كلام جميل اوى والله وبجد انتى طلعتى زي ماقال
جمال بمزاح وهو يمثل الحزن 
شوفتي ياللى على طول مظلوم معاكم انتو التنين وفهمني على طول غلط اقول ايه عليكم بس
ذهبت ام جمال إلى منى التي كانت تتابعهم أمام الباب لتسحبها إلى الداخل وهى تقول 
اوعى تصدقيه الواد ده من يومه بيحب الاونطه لتنظر إلى جمال وتقول يعدين هو مين ده إللى مظلوم خلى حد غيرك يقول الكلام ده ده انا جالى الضغط والسكر وهشيل المراره بسبب عمايل ولا انتى ايه رايك ياحبيبتى
منى بضحك 
بصراحه معاكى حق يا طنط كان الله فى عونك عليه
ام جمال
انا البت دى دخلت قلبي مش عارف ليه 
جمال وهو يرفع احدي حاجبيه فى دهشه وذهول 
هى بقت كده طب ايه رايكم بقي انا مش قاعدلكم فيها خليكم تعرفوا بقيمتى وسعاتها هتيجو تبوسو ايدى وش وظهر علشان بس ارجع بس ساعتها مش هتلقونى
منى بخفوت 
ياريت والله ده حتى الواحد يعرف يتنفس براحته بدل ما انت خانقني بوشك العكر ده
ام جمال وقد سمعت ما تقول فهى كانت بجورها لتقول بضحك 
ههههههه ده شكل فى ناس هنا بتحبك جدا يا جمال لتكمل بخفوت ل منى بس بزمتك ده منظر واحد وشه عكر برضه قالتها بغمزه ليصتبغ وجه منى بحمرت الخجل على الموقف الذي هى به فهي لم تعلم انها تحدثت بصوت مسموع إلى هذه الدرجه لكى تسمعه هى
ضحكت ام جمال على منظرها لينظر إليها جمال نظره فهمتها لتنسحب خلفه فى هدوء إلى عند الباب ليقول جمال بصوت مسموع لكى لا تشعر منى بالحرج منهم
جمال 
انا نازل اعمل مشوار كده يا ماما وجاي منى فى امانتك بقي لحد ما اجى ماشي
ام جمال 
دى فى عنيا لتقول بهمس لهو هو فى ايه يا جمال مالها البت شكلها متبهدل كده ليه هو حصل معايا ايه لكل ده ومين دى اصلا 
جمال بتنهيده 
دى منى جارتي إللى ساكنه فى الدور إللى تحتنا صدقينى انا معرفش ايه إللى حصل معاها بس ماتخافيش منها هى طيبه جدا ومش زي بنات اليومين دول وحتى انها كانت رافضه تيجى تغير إللى لبساه ده علشان مفكره انى لوحدي و ماقبلتش الا لما عرفت انك هنا ولوله ان امها ست وحشه فى المعامله معاها مكنتش جات هى خالص المهم شوفيلها حاجه تلبسها غير دى وشوفي مالها ولو تقدري تشوفي كدبه علشان لما امها تسالها جابت الهدوم منين يبقي كتر خيرك
ام جمال بحزن 
يا عيني عليكى يابنتى انا اصلا من لما شوفتها صعبت عليا خلاص روح انت وسبهالى وانا هعرفلك قرارها لتكمل بغمزه بس عرفت تختار يا اود
جمال بضحك
هههههه شوف انا بقول ايه وانتى مخك فين يلا انا نازل احسن البت تقول علينا حاجه
ذهب جمال لتذهب امه إلى منى وتطلب منها ان تأتى معايا إلى غرفتها وتخرج درس اسود منقط بالون الأصفر لتقول فى مزاح فهى تعلم بحرجها منها 
خدى ده يا منى البسيه على ما اعمل قهوه بس خدى بالك ان الهدوم هتيجى عليكى كبيره شويه ههههه
منى بتسرع 
لا خالص يا طنط ده كتر خيرك على إللى عملتيه معايا من غير ماتعرفيني حتى انا بجد مكسوفه منك ومش عارفه اقولك ايه معلش ازعجتك فى وقت زى ده
ام جمال بحنان 
ماتقوليش كده يا منى ده انتى زي بنتى والله ولا انتى مش معتبرانى زي مامتك
ترغرغت عيون منى بدموع فهى كانت تتمنا ان تصبح امها مثلها 
لا والله ماقصدش انا بآآآس
ام جمال وهى تمسح دموعها برفق 
طب ليه الدموع دى بس !!
لم تجب عليها منى من حرجها فماذا تخبرها اتخبرها انها افضل من امها وانها ام تشعر بحنان احد عليها من قبل مثل ما فعلت معاها ام تخبرها انها يتيمه الام رغم أنها معاها علمت ام جمال بما يجور بعقلها فقد أخبرها جمال ان امها تعملها بسوء لتربط على كتفها فى حنان قائله
ام جمال 
بصي انتى دلوقتى تغيري هدومك وانا هروح اعمل حاجه نشربها وندردش براحتنا سوا ومش عايزه اعتراض ماشي
هزت رأسها إليها بحزن لتذهب وتترك لها مساحه كافيه